Giovanni Bellotti

Pontremoli 20.03.1889

Pontremoli 17.08.1968

Cara lüma dü chj tëmpi

Vècia,früsta,sfuracià,

a gh ’ è ‘ nsün ch’ a t’ abi an mëntë?

un puèta i n’ t’ ha cantà?

Un po’ d’ oli, ‘ na cudlìna,

un stuplìn e ‘na fiamèla,

sënsa boria a tüt al mundë

t’ è fat lüm cumè ‘na stèla.

Lüzarnìna, vita sëmpia,

‘ na cüsina, ‘na cambrëta,

un lètin, al Crucìfiss,

tanta feda an t’ la casëta !

Un ciudët i er al të trono

E la grà l’ er al salùn,

sü ‘ nt ’ al fögh ‘ na bruzina d’ burghi

la mügnèv la së razùn.

I tö tëmpi i erun brüti…

Quant mai vot i l’ han stampà

dup ch’ è gnü la lampadina.

T’ fü scargn ’ e po’ smursà.

L’ er po’ vera? Pog o ‘ssè

Alj età l’ en tüt cumpàgn

Anc ’ se adèss i en tüti i g ’ han al bagn.

Ma l’ è csi, cla cosa növa,

gonfia e vöta cmè ‘n balùn,

la gnì föra da padrona

e la t’ miss ant un cantùn.

Povra lüma, serva d’ tüti,

che malissië t’ è cgnussü?

quanti bazi t’ è cuntà?

quantë càussë t’ è fat sü?

Chj dui mrusi ch’ i trëpièvun,

cla dunëta ch’ la stirèv,

al marì ch’ i s’ fev la pipa

e la nona ch’ la filèv…

Të t’ è piant ansèml ’ ai vèci,

t’ è fat cèr a l’ anguilìa,

t’ è zugà cun i fiulëti

quand i er tëmpë d’ alegrìa.

E se tanti i t’ abandùnun

Quarchidün i t’ vö ‘nca ben.

Al memorië la n’ sü smòrsun

Cum a mër un fögh dü fen…

T’ er picìna e la tëvita

La fa invidia ala lümèra,

la fa rabia ai rifleturi,

të t’ er s-cëta, t’ er sincera,

sënsa odi e falsi fiùri.

Filippo Rabusca.

Da: Gruppo donatori sangue “ Fratres”, Al chër d’ Puntrémal, Pontremoli 2006

Torna su